د فاریاب ولایت سیمهییز چارواکي وايي چې په غورماچ ولسوالۍ کې د جګړو له کبله شاوخوا زر کورنۍ بېځایه شوي دي.
د غورماچ سرپرست ولسوال عبدالله وافق ازادي راډیو ته وویل، د دې ولسوالۍ مرکز او ځینې نورې سیمې اوسمهال د وسلهوالو طالبانو په ولکه کې دي او ځکه خلک د خپلو کورونو پرېښودو ته اړ شوي دي.
ښاغلي وافق زیاته کړه:
"تقریباً د زرو په شاوخوا کې کورنۍ د ولسوالۍ په شاوخوا سیمو کې اوسېدل چې ټول اوس وتلو ته اړ شوي او مهاجرتیې کړی."
د فاریاب ولایت غورماچ ولسوالۍ په روانه اوونۍ کې وسلهوالو طالبانو ونیوله.
د راپورونو له مخې په شمالي ولایتو کې د جګړې مشري د ولسمشر لومړي مرستیال جنرال عبدالرشید دوستم په غاړه اخیستې او نوموړی اوسمهال د جوزجان ولایت په قوش تېپې او د فاریاب ولایت په غورماچ ولسوالۍ کې له دې سیمې د وسلهوالو طالبانو د ایستلو لپاره د پوځي عملیاتو مشري کوي.