غور کې د ښځو چارو ریاست د "غریبګل" په نوم د هغې نجلۍ په اړه اندېښنه څرګندوي چې یوه ۶۰ کلن سړي ته ور واده شوې وه.
غریبګل شپږ کلنه ده او په میمنه کې د ښځو لپاره د "امن" په خونه کې ساتل کېږي.
د غور د ښځو چارو ریاست یوې چارواکې هاجرې بشیر پرون سې شنبه ازادي راډیو ته وویل:
"د دې لپاره چې د دې ماشومې روحیه لا خرابه نهشي، موږ هڅه کوو چې هغه امن سیمې ته واستول شي چې زدهکړه وکړي او له نورو ماشومانو سره واوسي."
د غور امنیتي چارواکي وايي چې د غریبګل د ودولو په جرم یو شمېر کسان نیول شوي او څارنوالۍ ته معرفي شوي دي.