فاریاب کې ۵۰ امنیتي سرتېري د طالبانو تر پنځه ورځنۍ محاصرې وروسته و ژغورل شول.
د فاریاب امنیه قومندان عبدالنبي الهام نن خبریالانو ته وویل چې دغه شمېر پولیس په غورماچ ولسوالۍ کې د طالبانو لهخوا کلان بند شوي و چې د ژغورنې په عملیاتو کې اووه طالبان ووژل شول او پنځه تنه ټپان دي.
امنیتي مسؤلین په دغه موده کې د درېیو افغان پولیسو د ټپي کېدو خبر هم ورکوي.
د یو بل خبر له مخې په سرپل کې یو شمېر سیمه ییز پولیس وایي، که لازم تجهیزات او امکانات ورنهکړل شي نو خپلې پوستې به پریږدي.
خو د سرپل د والي ویاند ذبیح الله اماني دغه ادعاوې له قومندانانو سره د پولیسو د شخصي عقدو له امله بولي او وایي چې د هغوی ستونزې به حل کړي.