بغلان کې د یوې هلیکوپټرې د سقوط په پېښه کې د ملي اردو ۷ تنه وژل شوي دي.
د دفاع وزارت ویاند جنرال دولت وزیري ازادي راډیو ته وویل، دغه هلیکوپټر چې نن سهار یې په ډنډ غوري سیمه کې یوې پوځي اډې ته اکمالات رسول، د تخنیکي ستونزو له امله راولوېده.
ښاغلي وزیري زیاته کړه:
"دغو هلیکوپټرو نن سهار د لمانځه پر وخت غوښتل هلته اکمالات وکړي. متأسفانه دغې هلیکوپټرې تخنیکې عوارض پیدا کړي، اووه تنه پهکې شهیدان شوي دي."
خو له دې مخکې د بغلان د ولایتي شورا مرستیال ازادي راډيو ته وویل، دغې الوتکې کله چې د طالبانو لهخوا محاصره شوې اډې ته اکمالات رسول، د طالبانو لهخوا په راکټ وویشتل شوه.
طالب ویاند ذبیحالله مجاهد هم په یوه بیان کې ویلي چې دغه الوتکه د دوی لهخوا په نښه شوې ده.