په تېرو ۲۴ ساعتونو کې د کندهار په شاوليکوټ او میانشین ولسوالۍ کې د افغان ځواکونو په عملیاتو کې ۱۶ وسلهوال طالبان وژل شوي او څلور نور ټپیان دي.
د کندهار مطبوعاتي دفتر مسؤل صمیم خپلواک ازادي راډیو ته وویل چې د تېرې ورځې راهیسې تر نن سهار پورې افغان امنیتي ځواکونو د شاوليکوټ ولسوالۍ په سپین نومې سیمه او د میانشین ولسوالۍ په یو شمېر سیمو کې تصفیوي علمیات کړي.
د خپلواک په وینا په دغو عملیاتو کې په شاوليکوټ ولسوالۍ کې اته تنه وسلهوال وژل شوي او اته نور په میانشین ولسوالۍ کې وژل شوي او څلور نور ټپیان دي.
د خپلواک په وینا په دغو عملیاتو کې په شاوليکوټ ولسوالۍ کې اته تنه وسلهوال وژل شوي.
د خپلواک په وینا وژل شویو وسلهوالو کې د شاولیکوټ په سپین ساحه کې د یوې لوړې نقطې څخه په استفادې وخت ناوخته پر افغان امنیتي ځواکونو ډزې کولې.
ښاغلي خپلواک زیاته کړه:
"په تېرو ۲۴ ساعتونو کې د افغان ځواکونو له لوري د میانشین او شاوليکوټ ولسوالۍ په مربوطاتو کې تصفیوي عملیات ترسره شوي دي اته وسلهوال په شاوليکوټ په سپین نومې سیمه کې وژل شوي او د میانشین د لسمې ۱۱مې او ۱۲مې پوستو په ساحه اته وسلهوال وژل شوي او څلور نور ټپیان دي."
خپلواک وايي، په دغو عملیاتو کې افغان ځواکونو ته تلفات نهدي رسېدلي او د وسلهوالو مخالفینو وسلې او مهمات افغان ځواکونو ته په لاس ورغلي دي.
د دولت وسلهوالو مخالفینو تر اوسه په دې اړه څه نهدي ویلي.
راپور : محمد صادق رښتینی