د افغانستان دفاع وزارت وایي، په کندز کې د افغان ځواکونو د عملیاتو پر مهال وسلهوالو مخالفینو ته درنه مرګ ژوبله اوښتې ده.
د دغه وزارت ویاند جنرال دولت وزيري نن په کابل کې خبریالانو ته پهدې اړه وویل:
"په کندز کې چې کومې ستونزې رامنځ ته شوې وو، وسلهوال پوځ وسلهوالو مخالفینو ته درنه مرګ ژوبله اړولې او په خواشینۍ سره چې د دغو نښتو کې پنځه د ملي اردو سرتیري هم وژل شوي او ۱۳ نور ټپیان دي."
دې سره هممهاله د افغانستان د کورنیو چارو وزارت ویاند صدیق صدیقي په دغه کنفرانس کې وویل چې په کندز کې د افغان ځواکونو پوځي عملیات په شدت سره مخ ته ځې او ډېر ژر به کندز ښار له وسلهوالو مخالفینو ونیول شي.
اخوا د کندز د حوزوي روغتون رئیس ډاکټر نعیم منګل ازادي راډيو ته وویل چې تراوسه ورته له روانې جګړې ۵۴ ټپیان ور وړل شوې دي چې په ټپیانو کې ډېری ملکیان دي.
وسلهوال طالبان ادعا کوي چې د ښار مهمې برخې د دوی په لاس کې دي او له افغان ځواکونو سره په جګړه بوخت دي.