ایراني الاصله امریکايي خبریال جیسون رضایان پرون دوشنبې د ایران د رژیم پر ضد په محکمه کې رسمي دعوی وکړه.
رضایان لږ تر لږه ۱۸ میاشتې په ایران کې زنداني و.
د ایران د رژیم پر ضد د هغه د دعوی رسمي لیک [صورت دعوي] د هغه د کورنۍ د یو شمېر غړو په حضور کې پرون د امریکا یوې فدرالي محکمې ته وسپارل شوه.
د واشنګټن پوست ورځپاڼې دې خبریال ټینګار کړی چې د ایران رژیم غوښتل چې له نړیوالو سره پر اټمي مذاکرو اغېز وکړي او بر لاس خپل کړې نو لهدې امله یې دی زنداني کړی و.
جیسون رضایان ویلي چې په زندان کې ځورول شوی او تر سخت روانې فشار لاندې ساتل شوی و.
رضایان او درې نور خبریالان د نړیوالو قدرتونو او تهران ترمنځ د اټمي موافقې تر لاسلیک وروسته، د ایران له زندانونو خوشې شو.