د کندز سېمه ییز چارواکي وايي چې افغان ځواکونو د وسلهوالو طالبانو د ځپلو په هدف د دغه ولایت په کابل بندر او سه درک سیمو کې هوايې حملې پیل کړي دي.
دغه څرګندونې د نوموړي ولایت ویاند سید محمد دانش ازادي راډیو سره شریکې کړې دي.
له سیمې د ازادي راډيو خبریال وایي چې وسلهوالو طالبانو نن سهار له څو برخو پر کندز ښار حملې پیل کړې دي.
ویل کېږي چې دا مهال په ښار کې د درنو او سپکو وسلو غږونه اورېدل کېږي او د ښار ډيری برخې تړل شوې دي.
د کندز یو شمېر اوسیدونکي وایې چې وسلهوالو طالبانو د دغه ښار یو شمېر برخې نیولي دي.
په همدې حال کې راپورونه وایي، د کندز تخار لویه لاره هم تړل شوې ده.
په همدې حال کې وسلهوال طالبان ادعا کوي چې د کندز ښار څو امنیتي پوستې نیولې دي.
تر اوسه افغان چارواکو د وسلهوالو طالبانو د دغه ادعا په اړه اړه څه نهدي ویلي.