په غور کې د بشري حقونو کمېسیون له دې امله اندېښنه څرګنده کړه چې وسلهوال طالبان او نورې وسلهوالې، غیر مسؤلې ډلې ماشومان د جګړې لپاره استخداموي.
غور کې د بشري حقونو کمېسیون د سیمهییز دفتر مشر ذبیحالله جواد پرون سې شنبه ازادي راډیو ته وویل چې د خپلې ادعا د ثابتولو لپاره اسناد او شواهد لري.
ذبیحالله جواد زیاته کړه:
"موږ ته رارسېدلي شفاهي او ټیلیفوني معلومات ثابتوي چې د حکومت یو شمېر مخالفې وسلهوالې ډلې ماشومان د جګړې لپاره جذبوي."
د غور د والي ویاند عبدالحی خطیبي دا خبر تائید کړی دی.
خطیبي وویل، په هغو سیمو کې چې حکومت زیاته واکمني نهلري کوچنیان او تنکي ځوانان جګړې ته استول کېږي.