د ملګرو ملتونو عمومي منشي بان کي مون پرون سې شنبې د سوریې حلب ښار ته نېږدې د بشري مرستو پر کاروان هوايي حمله وغندله.
بان کي مون پرون د ملګرو ملتونو عمومي اسامبلې ته وویل چې هغه کسان چې حلب تهیې د بشري مرستو رسولو هڅه کوله، اتلان وو او پر هغوی حملهیې بزدلانه کار بللی دی.
په دې حمله کې لږ تر لږه ۲۰ ملکي کسان ووژل شوو.
ملګرو ملتونو حلب ته نېږدې د بشري مرستو پر لاریو او یوه ګُدام تر دې حملو وروسته، سوریې ته د مرستو د لېږدولو بهیر ځنډولی دی.
دا لا نهده څرګنده چې حلب ته نېږدې دا بمباري د کوم هېواد ځواکونو کړې ده.