د ارزګان مرکز ترینکوت کې د غوڅ ملاتړ ماموریت ځواکونو لهخوا په هوایې بمبار کې وسلهوالو مخالفینو ته درنه مرګ ژوبله اوښتې ده.
د ارزګان د والي ویاند دوست محمد نایاب ازادي راډيو ته وویل، بهرنیو ځواکونو د افغان ځواکونو د هوایي ملاتړ له غوښتنې وروسته بمبار کړی او ۱۸۱ وسله وال یې وژل شوي او ۶۹ نور یې ټپیان کړي دي.
نوموړي وویل چې د وسلهوال مخالفینو او افغان ځواکونو ترمنځ په جګړه کې ۱۱ امنیتي ځواکونه هم وژل شوي او ۱۷ ټپیان دي.
بل لور ته د افغانستان د کورنیو چارو وزارت ویاند صدیق صدیقي ازادي راډيو ته وویل چې دا مهال له مرکزه اضافي قوتونه ارزګان ته رسېدلي او په وینا یې چې وسلهوال مخالفان به خپل هدف ته ونه رسېږي.
په ورته وخت کې د افغانستان دفاع وزارت ډاډ ورکوي چې ډېر ژر به د ارزګان د مرکز ترینکوټ ټولې سیمې د وسلهوالو مخالفینو له شتونه تصفیه شي.
د ارزګان په مرکز ترینکوټ ښار کې له تېرو دوو ورځو راهیسې جګړه روانه ده.
خو وسلهوالو طالبانو تراوسه پهدې اړه څه نهدي ویلي.