یوه لوړ پوړي امریکایي چارواکي ویلي چې ازبکستان غواړي له متحده ایالاتو سره خپلې اړیکې ثابتې وساتي.
له پخواني شوروي اتحاد څخه د خپلواکۍ اخیستلو راهیسې دا لومړی ځل دی چې د ازبکستان په مشرتابه کې بدلون راځي.
د منځنۍ آسیا په چارو کې د امریکا د بهرنیو چارو د وزارت مرستیال دانیل روزن بلوم وروسته له هغه دا څرګندونې کړي چې پرون یې په تاشکند کې د ازبکستان د بهرنیو چارو له وزیر عبدالعزیز کاملوف سره ولیدل.
روزن بلوم د ازبکستان د پخواني ولسمشراسلام کریموف د مړینې له کبله د خواخوږۍ لپاره تاشکند ته تللی دی.
دغه امریکایي چارواکی زیاتوي چې متحده ایالات د ازبکستان د ملي حاکمیت، امنیت، راتلونکي او د خلکو د حقونو د خوندي کولو د ضمانت په برخه کې ژمنتیا لري.