د افغانستان دفاع وزارت مخې ته د تېرې ورځې په دوو انتحاري حملو کې د تلفاتو شمېر زیات شوی دی.
دغه وزارت د یوې خبرپاڼې په خپرولو سره ویلي چې په دغو حملو کې د دغه وزارت د پنځو منسوبینو په ګډون ۳۵ ملکي وګړي وژل شوي او تر سلو ډېر ملکيان ټپیان شوي دي.
دفاع وزارت همدارنګه د تېرې ورځې پېښه په سختو ټکو غندلې او ټينګار یې کړی چې په هېواد کې به د ترورېستانو ځالې لهمنځه یوسي.
په اعلامیه کی راغلي چې د تېرې ورځې د انتحاري حملو په قربانیانو کې ماشومان او ښځې هم شاملې دي.
تر دې وړاندې د افغانستان عامې روغتیا وزارت راپور له مخې ۲۴ کسان پهکې وژل شوي او ۹۲ نور ټپیان شوي دي.
د دفاع وزارت مخې ته د انتحاري حملو مسؤلیت وسلهوالو طالبانو منلی.