د افغانستان د سوداګرۍ او صنایعو خونې مسؤلین وایي، هندوستان ژمنه کړې چې د افغانستان له تازه میوو څخه به مالیه او ګمرکي محصول نهاخلي.
د دغې خونې مرستیال خان جان الکوزي ازادي راډیو ته وویل چې له پاکستان سره د افغانستان راکړه-ورکړه له خطرونو سره مخ ده او په خبره يې افغان حکومت باید بدیله لاره پیدا کړې.
د ښاغلي الکوزي په خبره افغانستان دې هم د ګاونډي هېواد پاکستان د فشارونو په بدل کې د دغه هېواد ټرانزیټي لار بنده کړي.
دا په داسې حال کې ده چې د سپینبولدګ چمن لاره د څو اونیو را په دې خوا د پاکستان لهخوا تړل شوې او افغان سوداګرو ته له دې درکه په میلیونونه ډالر زیان اوښتی.