د ایران حکومت د جاسوسۍ په تور په اټمي خبرو کې د دې هېواد د پلاوي د یوه غړي د نیولو خبر ورکوي.
د ایران دولتي رسنیو د قضا د ویاند غلام حسین محسني اژهيي له قوله راپور ورکړی چې نوموړی وايي، تورن جاسوس په زندان کې د څو ورځو له تېرولو وروسته د مالي ضمانت په بدل کې خوشې شوی دی خو اوس هم تحقیقات ترې روان دي.
اژهيي د پارلمان د یوه غړي د هغې ادعا په اړه پوښتنې ته ځواب ووایه چې ګنې د ایران د مرکچي پلاوي یو غړی چې دوه تابعیتونه لري نیول شوی دی.
اژهیي د تورن نوم یاد نهکړ خو ویېویل چې تورن جاسوس د ایران د اټمي پروګرام په اړه په مرکچي پلاوي کې نفوذ کړی و.
د سیمهییزو رسنیو د راپور له مخې عبدالرسول دوري اصفهاني چې ایراني او کاناډايي تابعیتونه لري او پر ایران د لګول شویو اقتصادي بندیزونو د لیرې کولو په ټیم کې له مهمو غړو څخه و، د چارواکو لهخوا نیول شوی دی.
د نړۍ له مهمو قدرتونو سره د ایران د اټمي موافقې په نتیجه کې چې افراطي کړۍ یې مخالفت کوي ایران د خپل اټمي پروګرام د محدودولو په بدل کې له ګڼو نړیوالو بندیزونو څخه معاف شو.