د افغانستان دفاع وزارت وايي چې د پکتیا د جانيخېلو ولسوالۍ د بېرته نیولو لپارهیې تدابیر نیولي خو د سړک غاړې ماینونو دوی ته مشکلات جوړ کړي.
د دغه وزارت ویاند دولت وزیري نن ازادي راډیو ته وویل چې د جانيخېلو ولسوالۍ شاوخوا د افغان ځواکونو تصفیوي عملیات روان دي.
ښاغلي وزیري همداراز د جانيخېلو د ولسوال هغه څرګندونې رد کړې چې ګواګې له وسلهوالو مخالفینو د دغه ولسوالۍ د بېرته نیولو لپاره اراده نهشته.
د جانيخېلو ولسوال او د پکتیا ولایتي شورا یو شمېر وکیلانو له قوله دغه ولسوالۍ دوه شپې وړاندې د سختو جګړو په نتیجه کې وسلهوالو طالبانو ونیوله.