د بغلان ولایت چارواکي وایي، په روانو عملیاتو کې وسلهوالو مخالفینو ته سخته مرګ ژوبله اوښتې او پاتې کسانیې شاتګ ته اړ شوي دي.
د بغلان ولایت امنیه قوماندانۍ ویاند احمد جاوید بشارت ازادي راډیو ته وویل، دغه عملیات به له مرکزي بغلانه د وسلهوالو مخالفینو له وجوده تر پوره پاکېدو او د بغلان-کندز د لویې لارې د ساتنې په خاطر دوام مومي.
د مرکزي بغلان ولسوالۍ د کندز له ولایت سره شریکه پوله لري او له څو اوونیو راهیسې د افغان امنیتي ځواکونو او وسلهوالو مخالفینو د خونړیو نښتو شاهده ده.
د وروستیو عملیاتو د مرګ ژوبلې دقیق شمېر نهدی ورکړل شوی، خو چارواکي وايي چې ملکي کسانو ته هم تاوان اوښتی دی.