د ترکیې د دیاربکر جنوب ختیځ ښار هوايي ډګر ته نېږدې راکټونه ولګېدل.
دوګان خبري اژانس وايي، پرون شنبه په هوايي ډګر کې د پولیسو د تلاشۍ پوستې ته څېرمه څلور راکټونه ولګېدل.
د دیاربکر والي حسین اکسوۍ وویل چې د راکټونو د لګېدو له کبله څوک ژوبل شوي نهدي او د الوتکو تګ راتګ له پروګرام سره سم دوام کړی دی.
تر اوسه پورې کومې ډلې د دې برید مسؤلیت نهدی منلی.
د کردستان کارګرانو ګوند یا "پي کې کې" وسلهوال له څه باندې ۳۰ کلونو راهیسې په دې سیمه کې د پراخو اختیاراتو لپاره جګړه کوي.
د دیاربکر اکثره اوسېدونکي په خټه کُرد دي.
د دغه ښار پر هوايي ډګر څو ورځې وروسته له دې برید وشو چې ترکیې د سوریې په خاوره کې دننه د اسلامي دولت یا داعش او کُرد جنګیالیو پر ضد حملې پیل کړې.