د کونړ په شلتن ولسوالۍ کې د کوچنیانو د فلج یا پولیو پر ضد د واکسین کمپاین پیل شو.
د کونړ د عامې روغتیا ریاست سرپرست ډاکټر احسانالله فضلي پرون سې شنبې ازادي راډیو ته وویل چې په تېرو څلورو کلونو کې وسلهوالو طالبانو دې سیمې ته د پولیو واکسین د ورتګ مخنیوی کړی و.
په شلتن کې د واکسین کمپاین د قومي مشرانو او جرګو په مرسته او منځګړیتوب پیل شوی دی.
د ډاکټر فضلي په وینا، په دې سیمه کې د واکسین د نشتوالي له امله لږ تر لږه څلور ماشومان فلج شوي دي.
ملګري ملتونه افغانستان د نړۍ له څو محدودو هېوادونو ګڼي چې لاهم کوچنیان د واکسین د نشتوالي له امله پولیو نیسي.
په کندهار او هلمند کې هم د پولیو دوه پېښې ثبت شوي دي.