د مصر چارواکي وايي نن سهار د پلازمېنې قاهرې په شمال کې پر يوه امنيتي پوسته د وسله والو په بريد کې دوه پوليس وژل شوي دي.
د دغه هېواد د کورنيو چارو وزارت ويلي، درېيو وسله والو چې په يوه بې نمبر پلېټه موټر کې سپاره وو، د منوفيه ولايت د سادات ښار په دلتا النيل سيمه کې پر پوسته ډزې وکړې.
د مصر روغتيا وزارت وايي په حمله کې درې پوليس او دوه ملکيان ټپيان شوي هم دي.
چا د پېښې مسووليت نه دى منلى او چارواکي وايي په دې اړه دوى څېړنه کوي.