د ننګرهار ولایت چارواکي وايي، په حصارک ولسوالۍ کې د طالبانو د جګړې قوماندان وژل شوی.
د یاد ولایت ویاند عطاالله خوګياڼي ازادي راډيو ته ویلي نعیم خالد چې په ننګرهار کې د طالبانو د جګړې قوماندان و د افغان ځواکونو په هوایي او ځمکنیو بریدونو کې وژل شوی.
نوموړی وايي، په دې بریدونو کې تر سلو تنو وسله والو ته هم مرګ ژوبله اوښتې.
د ولایتي ادارې د معلوماتو له مخې په حصارک ولسوالۍ کې وسله وال په شا تمبول شوي او اوس وضعیت ارامه دی.
وسله والو طالبانو په حصارک ولسوالۍ کې د وروستیو نښتو په تړاو تر اوسه رسنیو ته څه نه دي ويلي.