د امریکا نړیواله پراخیتایي اداره وایي چې تر راتلونکو نږدې دوو میاشتو به د کجکي د بند دریم توربین هم فعاله شي.
د یو. اس. اې. آی. ډی د بنسټیزو چارو مسؤل جرمي کریو نن په کابل کې خبریالانو ته وویل چې له امنیتي ننګونو سره سره د دغې پروژې عملي کېدو ته خوشبین دی.
د دغې ادارې د معلوماتو له مخې دغه پروژه ۷۵ میلیونه امریکایي ډالر لګښت لري چې په ۲۰۱۳ کال کې یې د رغولو تړون شوی و.
د افغانستان برېښنا شرکت هم وایي چې د کجکي بند د دریم توربین په فعالیدلو سره به په کندهار او هلمند کې زرګونه کورنۍ له برېښنا برخمني شي.