د افغانستان د سرحدونو او قبایلو چارو وزیر وایي، په افغانستان کې د جګړې د دوام یو عامل دا دی چې یو شمېر ګاوڼډیان نهغواړي چې دا هېواد له اقتصادي پلوه په پښو ودرېږي.
ګلاب منګل دا څرګندونې پرون په میدان وردګو ولایت کې د قومي مشرانو یوې غونډې ته وکړې.
هغه که څه هم د کوم مشخص هېواد نوم وانهخیست خو ویېویل چې ګاونډیان افغانستان ته د بېکیفیته او ارزان بیه موادو په صادرولو سره غواړي چې دا هېواد د تولید لپاره له خپلو ظرفیتونو کار وانهخلي.
هغه د هلمند په ګډون په یو شمېر ولایتونو کې وروستیو جګړو ته په اشاره وویل چې دغو جګړو په ډېرو هغو سیمو کې زور اخیستی چې پهکې مهمې بنسټیزې پروژې عملي شوي یا هم پلان شوي دي.