د افغانستان دفاع وزارت ډاډ ورکوي چې د هلمند مرکز لښکرګاه به هیڅکله هم د وسله والو طالبانو لاس ته ونه لویږي.
ددغه وزارت ویاند دولت وزیري نن ازادي راډيو ته وویل، په هلمند کې کافي شمیر امنیتي ځواکونه موجود دي او وضعیت په بشپړ ډول تر کنترول لاندې دی:
"د لښګرګاه لپاره خطر نشته او نه هم پېښدای شي او د دښمن تبلغات دي چې وايي د لښګرګاه ښار سقوط کوي، موږ جګړه تاییده و، خو هلته زموږ قوتونه دي."
دا په داسې حال کې ده چې په سیمه کې د ازادي راډيو خبریال د یوشمیر سرچینو په حواله وایي چې په هلمند کې روانه جګړه مرکز لښکرګا ته نږدې شوې ده.