د غور امنیتي چارواکي وايي، هغه پلار يې نیولی چې خپله ۶ کلنه لور يې د یوې اوزې، یوې بوجۍ وریژو او یوه اندازه چای او خوږو په بدل کې یوه سپین ږیري ته په نکاح کړې ده.
د عبدالکریم په نوم سپین ږیری چې ۶ کلنه نجلۍ يې ځانته نکاح کړې د غور د دشت کهر ولسوالۍ په یوه جومات کې امام دی او هغه هم د پولیسو په توقیف کې دی.
د غور د امنيې قومندانۍ د جنايي جرمونو د ادارې سرپرست محمد عظیم وکیلي ازادي راډیو ته وویل، د دې قضيې دوسیه بشپړه او څارنوالۍ ته استول شوې ده.
نوموړي تر دې مخکې ادعا کړې وه چې لور يې تښتول شوې ده.