د ناټو سرمنشي له روسيې سره د ګټورو خبرو او د دې تړون د کلکې دفاع پر پالیسي ټینګار کړی دی.
ینس ستولنتنبرګ نن په وارسا کې د ناټو د سرمشریزې په دوهمه ورځ خبریالانو ته وویل دا تړون یو موټی دی او د روسيې پر وړاندې ګډ دریځ لري.
نوموړي وویل دی ډېر خوښ دی چې د ناټو غړي د دې پیغام ترشاه څومره یو موټی دي.
د ناټو سرمنشي وویل دا مهال د دې تړون کوم غړی هېواد د روسيې له کوم ډول ګواښ سره مخ نه دی.
ینس ستولتنبرګ وویل ناټو تړون دامهال له جلا او بې ساري وضیعت سره مخامخ دی.