ناټو تړون وايي، راتلونکې اوونۍ به له روسیې سره د مذاکرو نوی دور پيل کړي.
د ناټو مشران به د پولند په پلازمینه وارسا کې ترغونډې وروسته چې د اروپا په ختیځ کې د روسیې پر اقداماتو بحث کوي، له روسي چارواکو سره وګوري.
د ناټو عمومي منشي ینزستولتنبرګ پرون چهارشنبه وویل:
"داسې پرېکړه شوې چې د ناټو او روسیې شورا د جولای په دیارلسمه په بروکسل کې غونډه وکړي."
په دې غونډه کې به د ناټو د ۲۸ غړیو هېوادونو او روسیې استازي برخه واخلي.
د ۲۰۱۴ میلادي کال د اپریل له میاشتې راهیسې چې روسیې د کریمیا ټاپو وزمه له اوکرایینه جلا او له ځان سره یوځای کړه، د ناټو او روسیې شورا لومړۍ غونډه کوي.