د افغانستان د ښځو چارو وزارت د سرطان د میاشتې لومړۍ اوونۍ تاوتریخوالي ته د عدالت غوښتنې د اوونۍ په نوم ونوموله.
د ښځو چارو وزیرې دلبر نظري نن رسنیو سره په خبرو کې له وسله والو مخالفینو هم وغوښتل چې د ښځو پر وړاندې د تاوتریخوالي د مبارزې په برخه کې هڅه وکړي.
د اغلې نظري په وینا له روان لمریز کال له پیله په افغانستان کې د ښځو پر وړاندې د تاوتریخوالي ۶۰۰ قضیې ثبت شوي دي.
د نوموړي په وینا دغه تاوتریخوالی تر ډېره د ښځو پر وړاندې په هرات، تخار، بغلان، دایکندي او غور ولایتونو کې لیدل شوي دي.