د سوريې رسنۍ وايي نن د پلامېنې دمشق په مربوطاتو کې د شيعه ګانو يوه زيارت ته نږدې په دوو چاودنو کې لږ تر لږه ٨ کسان وژل شوي او په لسګونو نور ټپيان دي.
راپورونه وايي دغه چاودنې چې يو ځان وژونکى بريد او بل موټربم چاودنه وه د سعيدې زينب زيارت دخولي تروازې ته نژدې شوې دي.
سعيده زينب د حضرت علي د لور زيارت دى چې هر کال په زرګونو کسان ورته ورځي.
د سوريې د بشري حقونو د څار اداره چې مرکز يې په بريتانيا کې دى، بيا د وژل شويو شمېر ١٢ تنه او د ټپيانو شمېر لسګونه ښيي.
د سوريې په کورنۍ جګړه کې وخت ناوخت پر دغه زيارت ځان وژونکي او موټربم چاودنې شوې دي.
د ځينو حملو مسووليت داعش ډلې منلى دى.
د سوريې کورنۍ جګړه شپږم کال ته رسېدلې ده.