سپینې ماڼۍ اعلان کړې چې ولسمشربارک اوباما راتلونکې میاشت په یو درې ورځني سفر پولنډ او هسپانیا ته ځي.
امکان لري چې دا به اروپا ته د امریکا د ولسمشرپه توګه د اوباما وروستی سفر وي.
ولسمشربارک اوباما د جولای په اومه نېټه د ناټو د مشرانو په غونډه کې د ګډون لپاره وارسا ته ځي او له هغې وروسته به هسپانیا ته ولاړ شي.
سپینې ماڼې ویلي، دا د ناټو د مشرانو سره د ولسمشر بارک اوباما پنځمه او وروستۍ غونډه ده.