افغان ولسمشر محمد اشرف غني نن هلمند ولایت ته تللی څو هلته امنیتي وضعیت له نږدې وګوري.
په سیمه کې د ازادي راډيو خبریال وایي چې ولسمشر په شورابک کې ۲۱۵ میوند قل اردو ته رسېدلی او په هماغه سیمه کې ورته د هلمند مسئولین او استازي را غونډ شوي دي.
له ولسمشر سره په دې سفر کې د کابینې یو شمېر غړي او په ملي شورا کې د هلمند استازي ملګرتیا کوي.
ولسمشر په داسې حال کې هلمند ته سفر کوي چې په دې وروستیو کې د هلمند په یو شمېر سیمو کې ناامنۍ زیاتې شوي او حتی تېره اوونۍ د هلمند د ولایتي شورا مشر د لښکرګاه د احتمالي سقوط خبرداری ورکړ.
په دې اړه ډېر جزئیات له هلمند څخه د ازادي راډیو خبریال الیاس داعی په راپور کې:
Your browser doesn’t support HTML5
هلمند ولایت ته د ولسمشر غنی د سفر په اړه د الیاس داعی راپور: