د اوکراین په ختیځ د دونباس په سیمه کې له روس پلوه بېلتونپالو سره په تازه نښتو کې د اوکراین پنځه سرتېري وژل شوي او څلور ټپیان شوي دي.
پوځ نن وویل چې دا په روان کال کې په یوه ورځ کې تر ټولو ډېر تلفات دي چې دوی ته اوړي.
پرون د اوکراین پوځ ویلي و چې د اوکرایني ځواکونو او روس پلوه بېلتونپالو تر منځ جګړه شدیده شوې.
دواړه لوري یو بل له اوربند څخه په سرغړونه تورنوي.
د شخړو د زیاتېدو په ترڅ کې د اوکراین ولسمشر پترو پروشینکو د زیاتې بهرنۍ مرستې غوښتنه کړې او هم یې د ناټو پخوانی عمومي منشي اندېرس فوګ راسموسن د خپل سلاکار په توګه ټاکلی دی.