په افغانستان کې د امریکا پخوانی سفیر وايي، هر هغه څوک چې د نجونو له تعلیم سره مخالفت کوي، دوی جاهلان دي.
زلمي خلیلزاد چې نن یې د هغه د مور زهرا په نامه د ده په شخصي لګښت جوړې شوې د نجونو په لیسې کې خبرې کولې وویل، د نجونو د تعلیم مخالف کسان د هېواد د پرمختګدښمنان دي:
"هر هغه څوک چې د نجونو د تعلیم او تحصیل مخالف دي، جاهل دی د پرمختګ مخالف دی او د سیمې د تمدن د بدنامي سبب دي."
ښاغلي خلیل زاد له افغان حکومت نه هم مننه وکړه چې د هغه د مور زهرا په نامه یې د نجونو لیسه و نوموله.