د زابل مرکز کلات ته نږدې د پولیسو یوه قومندان په اتو نورو پولیسو ډزې کړي او هغوی یې وژلي دي.
د زابل د امنیې قومندانۍ د امنیت امر غلام جیلاني فراهي ازادي راډيو سره په خبرو کې تایید کړه چې دا اته تنه پولیس د هغوی د قومندان له خوا د سپینه غبرګه په سیمه کې په یوه پوسته کې نن سهار وختي وژل شوي دي.
ښاغلي فراهي وویل چې د پولیسو دا قومندان له یوه رنجر موټر او څو میله وسلو سره تښتیدلی دی.
اخوا طالبانو ویلي چې د پولیسو قومندان د دوی کس و او بېرته ورسره یوځای شوی دی.