د افغانستان د اطلاعاتو او فرهنګ وزارت وايي، لا هم په دغه هېواد کې د استبداد کلتور حاکم دی او خلک اطلاعاتو ته لاسرسی نه لري.
د یاد وزارت نشراتي مرستیالې سیده مژګان مصطفوي نن اطلاعاتو ته د لاسري د کلتور د ترویج او پیاوړي کولو په نوم ناسته کې چې په کابل کې جوړه شوې وه وویل چې لا هم ډېری هغه اطلاعات چې محرم نه دي د خلکو په واک کې نه ورکول کېږي.
مېرمن مصطفوي وايي چې دغه وزارت معلوماتو د لاسرسي د پیاوړي کولو لپاره لازمه بودجه په واک کې نه لري.
په ورته وخت کې اطلاعاتو ته د لاسري د کمېسیون رئیس سید اکرم افضلي له حکومت وغوښتل چې خلکو سره د معلوماتو د شریکولو برخې ته جدي پام وکړي.