درې هسپانیايي ژورنالېستان چې په سوریه کې له لسو میاشتو برمته نیونې وروسته خوشې شوي و، نن بیرته هسپانیا ته ورسېدل.
دغه درې واړه هسپانویان د تېرکال په جولای کې د سوریې شمالي ښارحلب ته نژدې تښتول شوي و.
د هسپانوي رسینو د راپور له مخې دغه درې واړه له القاعده سره تړلي النصره جبهې یرغمل کړي و.
د هسپانیا حکومت پرون وویل چې دغه خبریالان د دوی د متحدینو او ملګرو په مرسته چې د هڅو وروستی پړاو یې په ترکیه او قطر کې ترسره شو، خوشې شوي دي.