د افغانستان لوی څارنوال وايي، له اداري فساد سره د مبارزې د عدلي مرکز پرانیستل به په دې برخه کې د افغان حکومت هڅې همغږې کړي.
لوی څارنوال فریدحمیدي نن په یوه غونډه کې په کابل کې وویل چې د دې مرکز پرانیستل به د فساد په وړاندې د حکومت مبارزه همغږې کړي او هم به د سیاسي لاسوهنو مخه ونیسي.
نن سهار افغان ولسمشر محمد اشرف غني په یوه غونډه کې له فساد سره مبارزه ناکافي وبلله او له فساد سره د مبارزې د عدلي مرکز د پرانیستلو اعلان یې وکړ.