ټاکل شوې ده چې د خلیج د همکارۍ د شورا غونډه نن په ریاض کې پرانیستل شي.
د سعودي عربستان، کویټ، قطر، عربي متحد اماراتو، بحرین او عمان چارواکي به په دې غونډه کې ګډون وکړي.
د امریکا ولسمشر د دې غونډې په درشل کې تیره ورځ د سعودي عربستان له پاچا سلمان بن عبدالعزیز او د عربي متحد اماراتو له ولیعهد شیخ محمد ال نهیان سره وکتل.
سپینه ماڼۍ وایي چې بارک اوباما د عربستان له پاچا سره د ایران او داعش د ګواښونو په ګډون د امنیتي موضوعاتو په اړه خبرې وکړې.
ولسمشر اوباما د عربي متحد اماراتو له ولیعهد سره موافقه وکړه چې د یمن شخړې باید له سیاسي لارې هوارې شي او دواړو ټینګار وکړ چې نړیواله ټولنه دې د لیبیا د نوي حکومت ملاتړ وکړي.