د نړۍ د کاتوليک عسويانو مشر پاپ فرانسيس نن يونان ته ولاړ.
دغه لنډ خو سمبوليک سفر ته له پناه غوښتونکو سره د پيوستون د نښې په سترګه کتل کېږي.
په پام کې ده فرانسيس چې د نړۍ د يو اعشاريه دوه میليارډ کاتوليک عيسويانو مشر دى، شا و خوا شپږ ساعته د يونان په ليسبوس جزيره کې تېروي.
دغه جزيره د هغه ستر بشري بحران عمده ساحه ګڼل کېږي چې اروپا ورسره مخامخ ده.
پاپ فرانسيس په دې جزيره کې د کډوالو په يوه کمپ کې وويل:
"ما وغوښتل نن ستاسو سره واوسم او درته ووايم چې تاسې يوازې نه ياست، په دې اوونيو او مياشتو کې تاسو د ښه ژوند په لټه کې ډېرې خوارۍ وګاللې، په تاسو کې ډېرى د ناسم وضعيت له کبله په ځانګړي ډول د خپلو ماشومانو په خاطر تېښتې ته مجبوره شوي ياست."
راپورونه وايي پاپ پېشنهاد کړى چې لس تنه کډوال به له ځان سره ايټاليا ته بيايي.
واتيکان له مخکې هم د کډوالو دوو کورنيو ته پناه ورکړې ده.
د يونان ټلويزيون ERT وويل چې په دغو لسو کډوالو کې به اته سوريايان او دوه افغانان وي.