په نړۍ د بشري حقونو د وضعیت په اړه د امریکا د بهرنیو چارو وزارت په نوي راپور کې ویلي چې له محاکمې پرته او هدفي وژنې، شکنجه، د خلکو تښتول، د قانون نه حاکمیت، جنسي نابرابرۍ و فرقه یي شخړې په پاکستان کې له بشري حقونو څخه تر ټولو ناوړه سرغړونې دي.
په دغه راپور کې چې پرون خپور شوی دغه راز ویل شوي چې په دې هېواد کې د غیر دولتي فعالانو له لوري د تروریستي شخړو او له بشري حقونو څخه د سرغړونو دوام هم د بشري حقونو وضعیت ډیر خراب کړی دی.