په بغلان کې د جندالله د ډلې ۱۶وسله وال مخالفین د سولې له پروسې سره یوځای شول.
د دغه ولایت د امنیې قوماندانۍ د رسنیو برخې مسؤل ذبیح الله شجاع نن ازادي راډيو ته وویل چې دغه ډله له کلونو راهیسي د بغلان په ځینو سیمو کې په تخریبي فعالیتونو بوخته وه.
ښاغلي شجاع زیاته کړه چې د جندالله ډله د ازبکستان له حرکت اسلامي ډلې سره تړاو لري.
دا لومړی ځل دی چې په بغلان کې د جندالله ډلې یو شمېر وسله وال د سولې له پروسې سره یوځای کېږي.
د جندالله له ډلې پرته بېلابېل بهرني جنګیالي د افغانستان په جګړه کې ښکېل دي.