بېلتون غوښتونکو په ناګورونو قره باغ کې له اوربنده سرغړونه کړې

اذربایجان په ناګورنو قره باغ لانجمنه سیمه کې هغه بیلتون غوښتونکي چې ارمنستان یې ملاتړ کوي، ملامته کړي دي چې د دواړو هېوادو تر منځ یې له اوربنده سرغړونه کړې ده.

د اذربایجان دفاع وزارت په یوه بیان کې نن وویل چې بیلتون غوښتونکو په تېرو څلرویشت ساعتونو کې یوسل او نولس ځله اوربند مات کړی دی.

بل لور ته د اذربایجان دفاع وزارت ادعا کړې ده چې ارمني ځواکونو د اذربایجان د نخجوان پر څو سیمو ډزې کړې دي.

نججوان د ارمنستان، ایران او ترکیې تر منځ پرته سیمه ده.

د اذربایجان او ارمنستان تر منځ د اپریل په پنځمه وروسته تر هغه اوربند وشو چې د اپریل په دوهمه جګړې پیل شوې. دا جګړې په څو لسیزو کې تر بل هر وخت په سیمه کې خونړۍ وې.