یو شمېر افغان سوداګرې او متشبثې ښځې شکایت کوي چې دوی ته لازمې اسانتیاوې نه دي برابرې شوي.
دوی دا خبرې نن په کابل کې د امریکا د نړېوالې پراختیا ادارې یو.اس.اې.آی. ډي د فایده په نوم پروګرام له خوا په یوې مشورتي ناستې کې وکړې.
د دې پروګرام هدف دا دی چې افغان سوداګرې او متشبثې ښځې د خپلو فعالیتونو لپاره مالي منابعو ته لاسرسۍ ولري.
له بلې خوا د سوداګرۍ او صنایعو وزارت مسوولین وایي، هڅه کوي چې په دې برخه کې له سوداګرو ښځو سره د مرستندویه کورنیو منابعو له لارې قانوني مرستې وکړي.