مصر اخوان المسلمین او د فلسطین سخت دریځه حماس ډله د مصر د لوی څارنوال په قتل کې په لاس لرلو تورن کړل.
هشام برکات تېرکال وژل شوی و، د کورنیو چارو وزیر مجدي عبدالغفار پرون خبریالانو ته وویل چې هغه موټربم چاودنه چې برکات یې وواژه د اخوان المسلیمن د غړیو له خوا چې په غزه کې د حماس له خوا ورته روزنه ورکړل شوې وه، ترسره شوې وه.
غفار وویل چې د دغې پېښې په تړاو ۱۴ تنه نیول شوي دي.
حماس دغه تورونه رد کړل او هغه یې بې اساسه وبلل.
۶۵ کلن برکات د ۲۰۱۵ میلادي کال په جون کې په قاهره کې د خپل کورپه مخکې ووژل شو.
د هغه د وژلو مسولیت چاپه غاړه نه دی اخیستی.
اخوان المسلمین چې فعالیت یې منع شوی، هم په دې پېښه کې خپل لاس لرل رد کړي دي.