سعودي عربستان ۳۲ کسان ایران ته د جاسوسۍ په تور محاکمه کوي.
په تورنو کسانو کې۳۰ تنه د سعودي عربستان شیعه مذهبه اتباع یو ایرانی او یو افغان شامل دي.
دا کسان په ۲۰۱۳ میلادي کال کې د امنیتي ځواکونو له خوا نیول شوي دي.
د سعودي شیعه مذهبي وايي، زیاتره نیول شوي کسان د شیعه اقلیت پېژندل شوي غړي دي چې هېڅ ډول سیاسي فعالیت نه لري.
پر محاکمه کېدونکو کسانو تور لګېدلی دی چې په سعودي عربستان کې يې د جاسوسۍ یوه شبکه جوړه کړې وه او ایراني استخباراتو ته يې پوځي معلومات انتقالول.
سعودي چارواکي دا کسان په دې هېواد کې د اقتصادي ګډوډیو او فرقه يي شخړو د پارولو په هڅو هم تورن کړي دي.
د دغو کسانو محاکمه ښايي د سعودي عربستان او ایران تر منځ کړکېچ لا پسې پراخ کړي.