په افغانستان کې د روسیې سفیر وايي، هېواد یې په افغانستان کې د سولې د روانو هڅو ملاتړ کوي.
په کابل کې د روسیې سفیرالکساندرمانتیڅکي Alexander Mantytskiy ټینګار کوي چې د افغانستان کړکیچ پوځي حل لار نه لري.
ښاغلي مانتیڅکي دا څرګندونې پرون په هغه غونډه کې وکړې چې روسیې ته د پوځي زده کړو لپاره د لسګونو افغان محصلانو د استولو په مناسبت په کابل کې جوړه شوې وه.
د روسیې سفیر وویل روسیه د یو باثباته افغانستان لپاره د افغانانو په مشری د سولې بهیر یوه اړتیا بولي.