په کندوز ولايت کې ٣٠٠ ملي او محلي پوليسو ته مسلکي روزنه ورکړل شوه.
د کندوز ولايت امنيه قوماندان مل پاسوال محمد قسيم جنګل باغ د فراغت مراسمو ته د وينا پر مهال دغه پوليس اتلان وبلل:
"تاسې رښتيني اتلان ياست چې د هېواد د سولې او ثبات لپاره د جنګ تودو سنګرونو ته ځئ او د هېواد د دښمنانو په وړاندې مبارزه کوئ. تاسې زموږ وياړ ياست."
په کندوز کې د پوليسو د روزنيز مرکز مشر زبردست ساپي ازادۍ راډيو ته وويل چې د ملي پوليسو روزنې دوې مياشتې او د محلي پوليسو يوه مياشت دوام درلود.
ښاغلى ساپى وايي، په وروستيو کې د لنډې مودې لپاره د وسله والو له خوا د کندوز ښار تر نيول کېدو وروسته په دغه ولايت کې شا و خوا ٧٠٠ پوليس روزل شوي او دا لړۍ لا هم روانه ده.