د امريکا متحده ايالتونو دفاع وزير اعلان کړه چې جنرال جوزيف فوتل (Joseph Votel) به په منځني ختيځ کې د امريکايي قواوو د نوي قوماندان په توګه ونومول شي.
دفاع وزير اشټون کارټر پرون د امريکا په مرکزي قوماندانۍ کې دغه تصميم اعلان کړ.
جنرال فوتل د امريکا د ځانګړو عملياتي ځواکونو قوماندان دى او د جنرال ليود اُستين (Lloyd Austin) پر ځاى به ټاکل کېږي.
اُستين چې تقاعد کوي، د امريکا د مرکزي قوماندانۍ مسوول دى.
دغه قومانداني په عراق او سوريه کې د اسلامي دولت ډلې يا داعش پرضد د پوځي عملياتو څارنه کوي.