تېره شپه په مزار شريف کې د هند قونسګلرۍ ته نژدې د افغان امنيتي قواوو او وسله والو ترمنځ وسله واله نښته شوې ده.
وسله والو د تيارې تر خپرېدو وروسته پر دغه ډيپلوماتيک دفتر بريد پيل کړ. اول د دوو چاودنو وروسته د ډزو راپور ورکړل شو.
تر اوسه د يوه ملکي کس د ټپي کېدو خبر ورکړى شوى، د نورو ځاني او مالي زيانونو په اړه جزئيات نه دي ورکړل شوي.
دا هم نه ده معلومه چې بريدکوونکي څو تنه وو. چا د بريد مسووليت نه دى منلى.