د بغلان د اطلاعاتو او فرهنګ ریاست وايي چې د "شمرق" مجسمې باید ژر تر ژره ترمیم شي.
دا مجسمې د کوشانیانو او ساسانیانو له دورې پاتې دي.
د شمرق مجسمې د یوه کاروان په ډول جوړې شوې چې له جنوبه د شمال په لور روان دی.
په بغلان کې د تاریخي اثارو پېژندونکي وايي، د شمرق مجسمې د بامیان بوداګانو ته ورته تاریخي ارزښت لري.
په بغلان کې د اطلاعاتو او فرهنګ ریاست وايي چې دې تاریخي اثر د بارانونو له امله درز پيدا کړی او باید ترمیم شي.
دوی پر مرکزي حکومت ږغ کوي چې د داسې ستر میراث د له ویجاړېدو مخنیوی وکړي.